鄧麗欣冧讚男友識照顧人，張繼聰練舞兩個月險斷尾龍骨

发布时间：2025-08-31 15:29:03 浏览量：4

林峯、鄧麗欣、張繼聰首次合作拉闊騷，完騷後訪問時，林峯再一次感謝兩位拍檔，他表示之前十分擔心會拖累大家，而早前「失聲」的Stephy亦有介紹醫生給他。張繼聰讚林峯即使只「露半臂」都應付得好好，提到二人合唱《用背脊唱情歌》時，使出「令山轉」，張繼聰解釋是即興演出。「做live就係咁，好似我明明要入（歌）又唔入，嗰個位本身好似煙火咁，但就係突然間好似架車走咗咁。唱完心裡有個單字出咗嚟，就係『好』字。」

林峯大讚胡子丹，又笑指唱《Chok》的話一定係自己最好。（葉志明攝）

張幾聰為了《白紙一張》練了兩個月舞。（葉志明攝）

張繼聰滿意跳舞部分，但有時會忘記走位，需要dancer提醒：「佢哋推我行，個感覺有少少似護老院啲伯伯被人推返上房咁。」Stephy又爆張繼聰跳《心急人上》時加入了不少動作，他解釋因看到台下男士的眼神，有感大家都有少女心，所以才會加插即興動作。張繼聰又指跳《白紙一張》時，看似輕鬆，但練習時感覺尾龍骨幾乎斷，足足練了兩個多月。